Autodeterminación?... pois se non pode exercerse colectivamente, sempre pode facerse de un en un!

Definireime, eu son arredista, (lembro que autodetermineime alá polo 74 ou 75, cando comecei a ter consciencia política namentras estudaba o vello bacherelato), e digo isto porque, e sobre todo a conta do "Procés Catalán", volta o dereito de autodeterminación a ser tema de debate.

Son conscente que a maioría da poboación da Galiza, e por suposto do conxunto da España, autodeterminouse xa coma española..., e por certo, por elo en xeral non considero aos meus veciños coma meus "compatriotas"..., unha cousa e ser veciño, (vivir perto), e outra ser compatriota, (compartir a patria)...
Polo tanto, penso que o dereito de autodeterminación exercémolo cada un nalgún momento e autodetermínamonos individualmente, así que a día de hoxe xa non creo moito na "autodeterminación colectiva", eu estou pola autodeterminación parcial ou grupal...
Aspirando a unha Galiza liberada, (lembremos a Uxío Novoneyra: Irei un día do Courel a Compostela por terras liberadas?...), conformaríame cun cacho, (unha parroquia ou varias parroquias liberadas), que quero decir?..., pois aveciñarme cos meus compatriotas e reducir a relación cos que non considero como tais...
Que iso leva a unha fractura social?... Pois si!..., pero é o que quero, quedarme na Reserva e loitar para que xuridicamente se recoñeza a Reserva e as maiores cotas de "autodeterminación" a mesma!... Por min, como si remata en microestado!..., (se fora catalán, preferíría aveciñarme en Andorra e non en Barcelona)...

Reflexión a conta da causa saharaui

Non hai racismo nin xenofobia nas críticas ao réxime marroquino polo seu entento de xenocidio do pobo saharaui e a usurpación do seu territorio, hai verdade e xustiza...

Eu estou completamente a favor do pobo saharauí, pero tamén a favor do pobo marroquí...

De quen estou en contra é do sultán absolutista e da oligarquía que representa o chamado Majzen, "http://en.wikipedia.org/wiki/Makhzen".

Creo que polo ben dos marroquinos, istes deberían derrocar ao seu Sultán e proclamar un estado democrático, plural e tamén laico, e a ise estado, (que recoñecese o dereito de autodeterminación do Sahara e tamén doutras entidades con personalidade propia, como a República do Rif que no seu día proclamou Abdelkrim e á que España masacrou e gaseou), é ao que España e Europa deberían axudar e colaborar no seu desenvolvemento...

Namentras, coido que habería que ser consecuentes e boicotear certas actividades económicas que no canto de contribuír ao desenvolvemento do pobo marroquino, só contribúen ao enriquecemento do Sultán e a oligarquía responsable do xenocidio saharauí e que o alentan para distraer ao pobo e ocultar o latrocinio sistemático que están practicando.

Boicot aos investimentos turísticos en Marrocos e ás viaxes aos resorts marroquís, (un sector totalmente controlado pola contorna do Sultán)...

Boicot ás importacións agrícolas e pesqueiras industriais, todas en mans da oligarquía propietaria das grandes industrias pesqueiras e os latifundios agrícolas, mentres que a pesca artesanal e a produción dos pequenos agricultores minifundistas quedan só para apenas satisfacer as necesidades interiores...

Boicot ás join ventures das multinacionais que se asocian coa oligarquía marroquí para deslocalizar a produción de sectores industriais, (compoñentes do automóbil, conserva, téxtil, etc...), para explotar dobremente aos traballadores españois, (presionando á baixa as súas condicións laborais e salariais), e aos marroquís, (sobreexplotandolos, con traballo infantil, con dumping social, con represión sindical, etc...), e ao tempo repartirse o beneficio da operación entre as grandes multinacionais e os oligarcas locais marroquinos...

É vítimas dista política son especialmente os traballadores galegos, que están a perder oportunidades de traballo e condicións laborais polas deslocalizacións cara a Marrocos da fabricación de compoñentes e montaxe de vehículos de Citroen, do textil de Inditex ou Adolfo Domínguez, da conserva, etc..., e todo para incrementar a explotación dos propios marroquinos...

O Sahara e Galiza estamos na mesma loita...

Mais información:

Resistencia Saharaui

Sahara Thawra