Que nivel, Maribel!...

O nivel dalgúns "xornalistas" que escriben os confidenciais da dereita é abraiante...

Manda carallo!, ou sexa, que o alcalde Bugallo é quen decide si neva, chove ou fai sol en Compostela...
Sodes a hostia, meus!...
Así que tamén tivo Bugallo da sopa que colleu o paspán de Feijoo o día da apertura da Porta Santa, que quedou como un pitiño coa que estaba caendo, (todo para coller o primeiro e disimulando un cachote dos cascallos cando entrou na Catedral)...

Ver eiquí­

Solpor en Touriñan...

Touriñán si,
Touriñán non...
Touriñan
paraiso natural...
Touriñán a criar peixe de granxa...
Eu non o teño claro, dunha banda está o apoio maioritario dos veciños de Muxía e, en xeral, de toda a Costa da Morte, a iniciativa de Pescanova, (o pobo é quen mais ordena), que dixo Xosé Afonso...

doutra, o sábado fun a Touriñan, a ver o solpor, e aquelo é o verdadeiro extremo occidental da nosa tera, (e sin tanto turismo e tanto guiri como no Cabo Fisterra)...

Iste sábado en Riazor, vou ser flamengo e valón...

Confio que eles axúdennos a derrotar ao hespañol invasor, ainda que soio sexa simbólico, será un xeito de botalos da Galiza, ¡ogallá non lles quede o cobizo de voltar por moito tempo!...

Xa que ainda non se conhece ningun tipo de convocatoria de repulsa e dada as ganhas mostradas por sectores do nacionalismo na visualización pública do rexeitamento a unha seleccion que non é a nosa..., na Indymedia propoñen unha manifestación en rexime de auto-convocatoria para o vindeiro dia 5 que saia ás 19:00 horas do campo da lenha (praza de espanha) e que chegue até o propio estadio de riazor seguindo o percorrido das manifestacións pola oficialidade das seleccions galegas de 2006 e 2008.

Ver eiquí­

A galegofobia prosigue, noxento ataque da "Voz" e da tvg teledirixida por Feijoo contra A MESA

Diante do ataque coordinado que o xornal antigalego "La Voz de Galicia" e a tvg teledirixida por Feijoo acaban de realizar contra a Mesa pola Normalización Linguística, reproducimos o comunicado da propia Mesa:

A Mesa presentará unha denuncia contra a manipulación informativa da TVG no Telexornal mediodía de hoxe e exixindo o dereito de réplica

A Mesa xa estivo nas “listas negras do PP” e o TSXG chegou a emitir unha sentenza obrigando a Xunta a financiar a asociación

A Mesa lembra que é a maior asociación cultural de Galiza e que ten dereito a presentar proxectos para que sexan financiados polas administracións, “igual que todo o mundo”

A Mesa pide diñeiro público “para proxectos de promoción do galego, non para comprar traxes de luxo nin desviar diñeiro ás Illas Caimán nin certificar obras inexistentes”


Perante as informacións publicadas hoxe por La Voz de Galicia e a TVG, A Mesa pola Normalización Lingüística quere sinalar:

1) Todos os convenios asinados pola Mesa pola Normalización Lingüística son públicos, de acordo co estipulado pola Lei de transparencia, e atéñense plenamente á legalidade, cumprindo con todos os trámites e principios éticos. A actual conselleira de Economía e Facenda, Marta Fernández Currás, que como é sabido foi interventora xeral da Xunta durante un ano na pasada lexislatura, pode dar testemuño do mesmo.

2) A Mesa non recibiu financiamento do Goberno galego para infraestrutura (como si recibiron e reciben outras asociacións con moita menos afiliación e actividade) nin para a súa liña de traballo reivindicativa, senón para proxectos concretos, presentados perante os medios de comunicación: o Correlingua en que participan máis de 40.000 rapaces cada ano, o Voluntariado de Activación Lingüística no que participaron máis de 1.000 persoas (e polo cal a Xunta recibiu unha axuda europea superior ás cantidades conveniadas coa Mesa nestes anos), campañas de sensibilización nos diferentes ámbitos, edición da revista mensual Longalingua etc.
En ningún caso A Mesa recibiu diñeiro público para comprar traxes de luxo nin desviar diñeiro ás Illas Caimán nin tivo axudas para certificar fraudulentamente obras inexistentes, aspectos todos eles realmente de gravidade.

3) A Mesa é a maior asociación cultural de Galiza cos seus máis de 3.500 socios e socias. Era unha irregularidade manifesta que esta asociación ficase excluída das axudas públicas e de desenvolver proxectos para as administracións a pesar das súas dimensións e da súa capacidade de actividade, demostrada nos seus 23 anos ininterrompidos de accións de reivindicación, sensibilización e promoción do galego en ámbitos nos que está discriminado ou excluído, amén do seu creto como entidade pertencente á Axencia Europea de Linguas Menos Estendidas, con rango de entidade consultiva na ONU.

4) A Mesa lamenta as listas negras en que estivo inscrita durante os anteriores mandatos do PP e que agora parece que se van repetir aínda con maior crueza. Nese sentido, cómpre lembrar que o TSXG chegou a emitir unha sentenza obrigando á Xunta gobernada polo PP a financiar a asociación, que era a única excluída, de entre todas as solicitantes, en moitas convocatorias de axudas públicas. O PP quere, de forma sectaria, que A Mesa deixe de recibir diñeiro público, acusando esta asociación de falsas ilegalidades e demonizándoa. É a súa unha visión totalitaria, de quen quere eliminar os seus inimigos, a pesar de que o labor que estean realizando sexa de interese público. Na súa galegofobia, moléstalles A Mesa como ferramenta contra as discriminacións lingüísticas e de defensa firme do dereito a vivir en galego.

5) A Mesa lamenta a forma tendenciosa de ofrecer esta información para dar a entender que existiu un trato de favor por parte do bipartito ou das consellarías xestionadas polo nacionalismo, o cal falta á verdade. Nese sentido, cómpre salientar:

a. Non se citan ningún dos proxectos financiados, excepto a publicidade na revista Longalingua, que ademais é a publicación mensual en galego con maior tiraxe e difusión. Se recibir insercións publicitarias por parte das administracións fose delito, todos os medios de comunicación sen excepción estarían incorrendo nel, por certo moito máis que nesta revista cultural.

b. Nunha redacción enrevesada e salientando os datos dun único ano (mesmo como subtítulo), dáse a entender que A Mesa recibiu máis diñeiro nesta pasada lexislatura por parte do Goberno galego que a Real Academia Galega, algo que non é verdade, como ben se pode comprobar a través dos mecanismos estabelecidos pola Lei de transparencia, mesmo a través de internet. En calquera caso, A Mesa sempre defendeu o financiamento público xusto da RAG de acordo con criterios lóxicos de legalidade, representatividade e actividade, e sen contraprestacións partidarias, como agora quere facer Alberto Núñez Feijóo.

c. Vaise tamén contra principios básicos de ética xornalística cando se dá e salienta unha información falaz, nunca contrastada por inexistente, a pesar de que foi desmentida ducias de veces pola asociación. Referímonos á repetición de que A Mesa enviou “600 cartas ameazantes a comerciantes”, que en ningún caso existiron. O mesmo se pode dicir sobre os supostos delitos que se lle apuxeron á Mesa nos medios de comunicación e que non foron respaldados por ningún tribunal, pola súa evidente falsidade, o cal non é impedimento para que algúns medios continúen xogando con esas insinuacións difamantes.

6) A Mesa presentará unha denuncia xudicial contra a TVG polo tratamento manipulador dado á noticia no Telexornal mediodía de hoxe e exixindo o dereito de réplica. Nun medio público como este, é máis de lamentar a manipulación, a tendenciosidade e que se dea voz unicamente a unha parte, curiosamente o concelleiro e deputado do PP Carlos Negreira, mentres nin se poñen en contacto cos portavoces da Mesa para contrastar a información.

7) A Mesa segue unha transparencia escrupulosa nas súas contas, someténdoas ao debate anual entre as súas socias e socios en asemblea xeral e cos convenios públicos informados a través de internet. É rechamante que, pola contra, se pase por alto o financiamento opaco de entidades creadas para atacar o galego. Así, a pesar de non contar case con afiliación, algún destes grupos declarou que ten medio millón de euros para actividades para este ano 2009 e demostra unha capacidade económica para realizar campañas mediáticas con anuncios a cor nos diarios de maior tiraxe e cuñas radiofónicas, aluguer de autobuses para percorrer toda Galiza etc que nunca A Mesa tivo, a pesar de ser a maior asociación cultural de Galiza.

Ver eiquí­

Chovendo para arriba...

Istes días ando dándolle voltas nos miolos aos resultados das Eleccións Europeas e a deriva electoral do BNG nos últimos tempos...

En eses estaba, cando onte no medio do temporal que batía na Costa da Morte vin unha imaxe a través da fiestra que fíxome reflexionar...



As pingueiras do tellado, na vez de caer ao chan, eran empuxadas cara arriba polo vento realimentando a chuvia sobre o propio tellado...

¿Non estará pasando algo así no debate sobre o ser da Nación e o que é ser nacionalista?...

O debate no seo do BNG non deixa de pingar auga que o vento da sociedade sigue a botar sobre nos, sendo un círculo infindo que conduce ao afogamento...

Ver eiquí­

Outra reflexión arredor destas Eleccións Europeas. A esquizofrenia dos votantes socialistas

¡Manda carallo!... Ultimamente estou alucinando con esta campaña.
Correxídeme se me equivoco...
Resulta que o domingo vótase na Hespaña para elixir a 50 deputados dun Parlamento Europeo...
Resulta que sobre o 80% dos votos vanos repartir na Hespaña entre dous partidos, mais ou menos ao 50%...Resulta que eses deputados teñen que elixir ao presidente dun executivo, (si, é certo, un pouco sui-generis)...
E... ¡¡¡tachiiín!!!..., resulta que xa sabemos que todos os deputados elixidos por eses dous presuntos partidos rivais van votar a...
¡Acertaron!..., ao mesmo candidato para presidente os dous partidos, a Durao Barroso, (o cuarto home da foto das Açores)...
Algún votante do PP imaxina unhas eleccións na Hespaña nas que sexa o que sexa o resultado, PP e PSOE xa estivesen previamente de acordo en que ían votar para presidente a Zapatero?...
¡De tolos!...
Pois os votantes do PSOE, que pensen que iso é o que van facer, votar para presidente ao candidato do...
¡¡¡Partido Popular!!!

Defensa da língua galega na campaña das Europeas!

Por pura supervivencia do galego é imprescindible darlle nistas eleccións europeas un toque a Feijoo para que cese na persecución da nosa lingua...

Polo galego, na Galiza hai que votar contra a política de contínuo ataque a lingua galega do presidente Feijoo, a fin de contas istas eleccións non son determinantes para configurar gobernos, pero si sirven para pulsar a opinión dos votantes...

Eu penso que o mais eficiente e votar BNG, pero se isa opción parecelles demasiado extrema aos votantes tradicionais do PP, tamén lles propoño que voten a papeleta do seu partido, (o PP), pero escribindo algo a prol do galego para que o voto sexa nulo...

Tratase de facerlle comprender a Feijoo que con isa política linguística galegofoba que está a encetar, pode perder mais votos de galegofalantes conservadores que os que vai gañar dos radicais antigalegos de "Galicia Bilingue".

Xa que isa parece ser a única linguaxe que entende, a linguaxe electoral, cecais unha baixada do PP na Galiza xunto cun incremento do voto o BNG e de votos nulos sobre papeletas do PP pode ser unha mensaxe intelexible para el...

Porque eu creo na liberdade e nos dereitos individuais, pero tamen na responsabilidade e nos deberes. Para poder escoller si queres falar galego ou hespañol, (as dúas linguas oficiais na Galiza), tes que dominar as dúas, e logo podes escoller, tes verdadeira liberdade de escoller.

Feijoo pretende, na práctica, que a maioría da xente escolla "voluntariamente" o hespañol, para o cal está a buscar o xeito de que se estudie o mínimo en galego e de feito, non o domine. Para min iso é atacar o galego...

O mesmo no caso dos funcionarios, o que persiguen as medidas que impulsa Feijoo é facilitar o acceso a función pública con descoñecemento expreso do galego aos profesionais dos niveis superiores, (co que ademais se reforza a idea de que o galego non é convinte para os altos cargos e profesionais de éxito, e soio sirve para paletos, aldeáns e funcionaros subalternos), e facilitando ademais que a administración galega se nutra de funcionarios de fora...

Para mín iso tamén é atacar o galego...

Por todo elo, é polo que tento de pedir aos poderes públicos que cumpran o mandato legal, (da Constitución, do Estatuto e da Lei de Normalización Linguística), de protexer e potenciar a língua propia e oficial da Galiza e convido a todos a presionar ao máximo responsable a cumprir o seu deber legal.